Birds in the reeds

Reed Warblers forage for insects and spiders on mud and in thick, wet vegetation like reeds and foliage of willows; they also eat some seeds.

Lezkari Arrunta - Carricero Común - Reed Warbler

Atertuko al du?

Ez dut gogoratzen aurtengo negua bezain luzerik. Maiatza bukatzen ari da eta oraindik neguko arropak eskura eduki behar ditugu eta, zer esanik ez, aterkia.

Hegaztiek egun hauetan jasan behar dituzten zaparradak eta kazkabarrak etengabe gertatzen ari dira. Hotz eta hezetasun hauek txitatzen ari diren hegaztiei ez dakit ezer onik ekarriko ote dieten. Umeak aurrera aterako al dituzte?

Herenegun bost Zankaluze eta beste hainbat Txenada parketik bueltatxo bat ematen ikusi genituen, baina, ez dakit eguraldiarengatik edo iparraldera bidea jarraitu nahi zutelako, berehala alde egin zuten. Atzo, berriz ere Lertxuntxo Handi bakarti bat San Lorenzon ikusi genuen.

Gaur, egun osoan ia ez du atertu eta atertu duen unetxoan mugimendu oso gutxi sumatu dugu. Zankaluze bat, Basahateak, Ipar-ahateak, Bernagorri arrunt batzuk eta ezer gutxi gehiago. Ia txori zantzurik ere ez dugu ikusi. Gutxi batzuk besterik etzebiltzan, alde batetik bestera, ia kantatzeko gogorik gabe.

Benarriz Arrunta - Carricero Común - Sedge Warbler

Entzun, ikusi eta ikasi

Plaiaundiko paduretan denetik aurki daiteke edozein egunetan. Egia da, batzutan, zerbait ikustea zailagoa izaten dela, baina, arreta piska bat jarriz gero, edozein egunetan, sorpresaren bat izan dezakegu. Unibertso txiki honetan, egunero espezie berriren bat ikusteko eta ikasteko aukera asko dago. 

Zenbait hegazti ezkutuan egoten dira. Horregatik, beraien presentziaz konturatzeko, ikusmenaz gain, entzumena ere lanean jarri behar dugu. Zoritxarrez ez naiz oso trebea bi zentzumen horiek erabiltzen. Martinengatik izango ez balitz, ez nuke ia ezer ikusiko.

Azken egunotan adibidez, denbora luzez lezkadian izkutuan zegoen Lezkari Arrunt baten kantari esker, jakin dugu hor, lezka artean, nonbait zegoela.

Lezkari Arrunta - Carricero Común - Reed Wabler

Txoritxoek orokorrean oso azkar hegan egiten dutenez, ez dugu nahiko denbora izaten identifikatzeko.  Batzutan berriz, nahiko gertu ibiltzen dira, saltoka nekaezin, zuahitz baten adartxo batetik bestera janari bila. Hauxe izaten da momentu onena espeziea identifikatzeko.